વેકેશન

-
સવારથી સાંજ સુધી નો ટેન્શન આ હા વેકેશન  !

સવારે ઊઠીને ટીફીન કે નાસ્તાનો ડબ્બો ઉઠાવીને ચાલતા થવું,  એક એવી સફર પર જ્યા મન હોય કે ન હોય, જવું ગમતું હોય કે  ન ગમતું હોય, ગમે તેટલી આળસ આવતી હોય તો પણ ત્યાં જવું એ તો ફરજીયાત છે; વાત કરી છે અહીંયા એ ઓફિસની, નાનાથી માંડીને મોટાઓ સુધી કોઈ નોકરી થી કંટાળ્યા હોય છે, કોઈ સ્કૂલ-કોલેજથી. વર્ષના મોટાભાગના દિવસોમાં સવારથી સાંજ સુધી મથવુ, સવારે નવ ના ટકોરે ટીફીન સાથે નિકળવું સાંજે એ ખાલી ડબ્બાઓ સાથે ઘરે આવવું, અને પાછા બીજા દિવસની રાહ જોતાં સુઇ જવું. આવા રૂટીનથી કંટાળેલો માણસ જ્યારે રજાનું નામ સાંભળે ત્યારે તેના મનનો ઉત્સાહ તો સાતમા આસમાને પહોંચી ગયો હોય છે. સુવર્ણકાળ કહો કે મજાથી જીવવાની એ બે પળો; એ સમયને માણસ ક્યારેય  મીસ કરવા નથી માંગતો...
   "વેકેશનની રજા
     મનભરીને જીવવાની મજા"
  આ વેકેશનના દિવસો ઘણાં જ અદ્ભૂત હોય છે. હોસ્ટેલથી ઘરે આવેલા એ સ્ટુડન્ટ નો હાશકારો તેના હાવભાવ પર જ ઝળકે છે. નાના બાળકો તો વેકેશનની ઘોર તપસ્યામાં જ લીન હોય છે. નાનાથી માંડીનો મોટા સૌ વેકેશનને મનભરીને માણવાની તાકમાં હોય છે..
વેકેશન ના દિવસો નોર્મલ રૂટીનલાઇફ થી સાવ જુદા જ લાગે છે, બાળકો માટે તો ખાવું, રમવું, ફરવું ને સુવું આજ વેકેશન.
 નાનપણની એ વેકેશનમાં રમાતી રમતો પણ કઇંક અનોખો જ ઉત્સાહ જન્માવે છે; ગુલ્લી ડંડા, આંબલી પીપડી જેવી રમતો તો હવે લુપ્ત થવા લાગી છે તેની જગ્યા હવે વિડીયોગેમ્સ એ લીધી છે. લખોટી અને ભમરડા ની તો આજની પેઢીને ઓળખાણ કરાવવી મુશ્કેલ થઈ પડે છે, તેની જગ્યા સ્માર્ટ ફોન, સ્માર્ટ ડિવાઈસીસ એ લીધી છે. વેકેશનની બીજી એક મજા ભરબપોરે ખાવામાં આવતા એ આઈસ ગોલાની છે. ઓફિસમાં કલાકો કાઢવાની ગણતરીમાં પસાર થતો એ દિવસ વેકેશનમાં કેટલો જલદીથી વિતી જાય છે તેની ખબર જ રહેતી નથી..
 વેકેશન નો મુખ્ય પડાવ તો મામાનું  ઘર હોય છે, જાણે કુંભ મેળો જામ્યો હોય એવી ધમાચકડી થાય છે.

છેલ્લે એટલું જ કે 'વેકેશન' વ્યક્તિને ને યાદ કરાવે છે કે
માણસ માણસ છે, કોઈ 'મશીન' નથી.

                       -akkido🖎

Comments

Post a Comment

Popular posts from this blog

'ઈશ્વરની ઓળખાણ'

-
ધર્મ, અર્થ, કામ અને મોક્ષ ભારતીય સંસ્કૃતિનીના આ ચાર અગત્યનાં અંગો. ભારતીય સંસ્કૃતિ એટલે હજારો વર્ષ જૂની આ સંસ્કૃતિ, ને તેની ભવ્યતા પણ ઉડીને આંખે વળગે તેવી. આવી ભવ્ય સંસ્કૃતિના આપણે સંતાનો તેના કર્મો, વચનો ને વિચારોમાં માનનારા આપણે સૌ. આ સંસ્કૃતિ એટલે વેદ-વેદાંતોની સંસ્કૃતિ, રામ ને કૃષ્ણની સંસ્કૃતિ. પ્રાચીન ભારત અને અર્વાચીન ભારત વચ્ચેનો ભેદ આપણે સૌ કોઈ સારી રીતે જાણીએ છીયે. પરંતુ ભારત અને તેની ભારતીયતા સાવ મરી નથી પરવારી, એ દ્વારિકાધીશ નું ભારત હજીયે આપણા સૌ મા ક્યાંક ને કયાંક જીવીત છે. મારુ જીવન ઈશ્વર ચલાવે છે તે વિચારધારામાં માનનારા આપણે સૌ છીયે. પૃથ્વીના આદિ થી લઈને જે પણ ઘટનાઓ, ફેરફારો થયા છે અને આવનાર સમયમાં થવાના છે તે બધું જ ઈશ્વર ઈચ્છા ને આધીન છે.            ઈશ્વરે આપણને બનાવ્યા, પશુ પંખીઓને જીવ આપ્યો, વૃક્ષોને પણ ચેતના આપી. અને આપણને ગીતા દ્વારા કહ્યું પણ ખરું ममैवांशो जीवलोके। દરેક જીવમાં મારો અંશ છે, હું તમારી પૃથ્વીના કણ કણ માં વ્યાપીત છું. આપણને ખબર છે કે તેમની ઈચ્છા વગર પાંદડુંય હલતું નથી તો પછી સવાલ થાય કે આપણે દુઃખી કેમ થઈએ છીએ, પહેલા પ્રભ...
Read more

સ્ત્રી વગરનું ઘર... !

-
મિત્રો તમે સ્ત્રી વગરનાં ઘરની ક્યારેય કલ્પના પણ કરી છે. ઘરને હમેશા ધબકતું રાખવાની કમાન  સ્ત્રીના હાથમાં છે. સ્ત્રીની વ્યાખ્યા તો આપણે કઈ રીતે આપી શકીએ. સાચે જ સ્ત્રી વગરનું જીવન સાવ અધુરું ગણાય છે, તો વિચારો સ્ત્રી વગરનાં ઘરની શું હાલત હશે ?                માણસનાં જીવનનું અવિભાજ્ય અંગ સ્ત્રી છે. કહેવાય છે ને કે શિવ છે ત્યાં શક્તિ છે, રામ છે ત્યાં સિતા છે, કુર્ષ્ણ છે ત્યાં રાધા છે. આમ પુરુષ ડગલે ને પગલે  સ્ત્રીનો સાથ ઝખંતો જ હોય છે. પુરુષના જીવનમાં એવી કઈ વાત છે જે સ્ત્રી સાથે જોડાયેલી ન હોય. જન્મ થયો સ્ત્રી થકી, સંસ્કારો મળ્યા એ પણ સ્ત્રી થકી, ભણતર શિખ્યો સ્ત્રી થકી, નાનપણથી સાથ મળ્યો એ પણ સ્ત્રીનો, મુશ્કેલીઓ સામે લડતા શિખવ્યું એ પણ એક સ્ત્રીએ.                    જીવનરૂપી વરદાન મળ્યું જ્યારે જન્મ આપ્યો એક સ્ત્રીએ જેને આપણે "માં" કહીએ છીએ. આપણને આંગળી પકડીને ચાલતા શીખવ્યું,  સંસ્કારોનું સિંચન કર્યું એ પણ એક સ્ત્રી જેને આપણે "દાદિમા કે બા" કહીએ છીએ. હમેશા આપણી રક્ષા માટે પ્રાર્થનાઓ ...
Read more

"પપ્પા જ મારા સુપરહિરો"

-
"પપ્પા" પપ્પા શબ્દ જ જાણે આધાંરસ્તભ લાગે. એક એવું વ્યક્તિત્વ કે જેને પડી નથી તહેવારોની, જેને પડી નથી પિત્ઝા, બર્ગર ખાવાની, જેને ટેવ નથી સારૂં સારૂં જમવાની, જેને ટેવ નથી થોડી થોડી વારે photos ક્લિક કરવાની, તેમને ટેવ નથી બીજાઓ પોતાના વિશે શું કહે છે તેને સાંભળીને તેનો જવાબ આપવાની. તેમને ખબર છે તેમની જવાબદારીઓ, આપણાં આખાય ઘરને ધબકતું રાખવાનુ કામ કરે છે તે પપ્પા. કદાચ પોતાના ઉપર ગમે તેવી અને ગમે તેટલી મુશ્કેલીઓ આવી પડે, તેને હસતાં મોઢે સહન કરવાની તાકાત ખાલી એમનામાં જ છે, ગમે તેવી પરિસ્થિતિ સામે ટકી રહેવાનો ગજબનો જાદુ છે એમનામાં, મોંઘવારી સામે ટકી રહેવાની આવડત છે એમનામાં. તેમાં પણ આખાય દિવસનો થાક ન તડકો ન વરસાદ ન છાયો જોયાં વીના 15×7 ઉભાં પગે કામ કરવું અને એ પણ પોતાના સ્વાર્થ માટે તો નહીં જ,  only આપણે શાહીઠાઠથી રહી શકીએ એ માટે ! ખિસ્સામાં પોતાના માટે સારા કપડાં લેવાના પૈસા કદાચ ના હોય, પણ આપણને તે ક્યારેય ન નઇ પાડે. કદાચ તે ફાટેલા કપડાં પહેરીને ચલાવી લેશે, પણ આપણને તે ક્યારેય ફાટેલા કપડાં નઇ પહેરવા દે. સમસ્યાઓ એટલી હદે વધી જતી હોય ત્યારે કોઇક ખુણામાં એકલા બેસીને રડી લેશે, પણ ...
Read more