સફરનામુ - Journey of Indian Railways

-

ભારતીય રેલ્વેમાં મુસાફરી.... એટલે

નકકી કરેલ ડેસ્ટીનેશન પર પહોચવા કરતાં તો વધારે જગ્યા મેળવવાની હોડ હોય. ભારતના અને ભારતીયતા દર્શન કરવા હોય તો આપણુ ઇન્ડિયન રેલ્વે બેસ્ટ છે.
સૌથી ગરીબ અને સૌથી ઘનીક એક સીટ પર જોવા હોય તો આવો એકાદ દિવસ અને કરો મુસાફરી ભારતીય રેલ્વેમાં....

પાણી ના પાઉચ થી કેરી કાંદા મસાલા વાળી દાળ ગુજરાત બાજુ તો ખુબ ફેમસ છે. સાથે ગુજરાતના કાજુ તરીકે ઓળખાતી ખારી શીગં.
         ટ્રેઇનમાં રંગબેરંગી ભારતીયો અને તેમની અલક મલકની વાતો જબરજસ્ત મનોરંજન પુરૂ પાડે છે. ક્યારેક સીટ માટે થતી એ લડાઈઓ જાણે સિવિલ વોર થી કમ નથી..
અને બોસ જ્યારે જગ્યા મળી જાય ત્યારે તો જગ જીત્યા જેવી ફિલીંગ આવે છે. ખરેખરી ભારતીયતાના દર્શન પણ અહીં  ટ્રેઇનમાં જ થાય છે, જગ્યા માટે ચાલતી બોલાબોલી વચ્ચે કયારેક કોઈક યુવાન અથવા તો કોઇક વ્યક્તિ કોઈ  જરૂરિયાતમંદ ને જગ્યાની વ્યવસ્થા કરી આપીને માનવતાનું ઉત્તમ ઉદાહરણ પુરું પાડે છે.. .
           ખરેખર માણસના સાચા ધૈર્યની પરીક્ષા તો એ ટીકીટબારી જ લે છે, એક બાજુ પોતાની ટ્રેઇન આવવાનો ટાઇમ થયો હોય અને આ બાજુ ટીકીટબારી પર દેખાતી આ લાઈન આ જોઇને જ ભાઇના પગ નીચેથી જાણે જમીન ખસી જાય છે...
અને તેમા પણ જો ટીકીટ મળતાં ની સાથે જ ટ્રેઇન જો પ્લેટફોર્મ પર ઊભી હોય પછી તો ઓલમ્પિકનો ગોલ્ડ મેડલ પાક્કો.
       સ્ટેશન પર ના એ વિરહના દ્રશ્યો પણ કઇંક અનોખો અહેસાસ કરાવે છે; ક્યાંક પોતાનો લાડકવાયો દિકરો દુર કમાવવા નિકળ્યો હોય છે ત્યારે મમ્મીનું એ આંસુ જ બધું કહી જાય છે. ક્યારેક કોઈની વહાલસોયી દીકરી વેકેશન પુરૂં કરીને સાસરે જતી હોય તે વખતે પપ્પાથી છુટા પડવાનો અહેસાસ જ બધું કહી જાય છે, અરે આવાં તો ઘણાં કિસ્સાઓ નું એ સ્ટેશન સાક્ષી બન્યું હોય છે.
            કેટલાક ના જીવનનું ગુજરાન પણ આ રેલ્વે દ્વારા જ ચાલે છે, ફેરીયાઓ જેવાં કે ચા વાળા, સમોસા વાળા,  પાણીના પાઉચ વાળા, બીડી તમ્બાકુ ગુટ્ખા વાળા જેવા અનેકો માટે બે ટંક ના રોટલાનો આધાર આ રેલ્વે જ છે..
          પર્સનલી રેલ્વેને લઇને મારા અનુભવો પણ ખુબ મજેદાર છે, આ ટ્રેઇન અને સ્ટેશન કઇંક એવાં અનુભવો આપે છે જે જીંદગીભર માણસના માનસપટ પર રહેવાના છે. આવા તામારા કોઈક યાદગાર અનુભવો છે?? તો નીચે કોમેન્ટ સેક્શનમાં તમે તમારી જર્ની શેર કરી શકો છો.


"રેલ્વે આપણી સુખાકારી માટે છે, આપણા બધાની સંપત્તિ છે, માટે તેનો જવાબદારીપુર્વક નો ઉપયોગ એ આપણી જ ફરજ છે.,
 આપણે આપણી આ સહિયારી યાત્રા માટે રેલ્વે માટે કઇંક વધારે નહીં પણ 'ગમે ત્યાં કચરો ન નાખીને તેને સ્વચ્છ તો રાખી જ શકીએ ને'
ચાલો સૌ સાથે મળીને આપણી જ આવનારી પેઢીને એક સ્વચ્છ રેલ્વેની ભેટ આપીએ કે જેના પર તેઓ ગર્વ કરી શકે...

                     -akkido🖎

Comments

Post a Comment

Popular posts from this blog

'ઈશ્વરની ઓળખાણ'

-
ધર્મ, અર્થ, કામ અને મોક્ષ ભારતીય સંસ્કૃતિનીના આ ચાર અગત્યનાં અંગો. ભારતીય સંસ્કૃતિ એટલે હજારો વર્ષ જૂની આ સંસ્કૃતિ, ને તેની ભવ્યતા પણ ઉડીને આંખે વળગે તેવી. આવી ભવ્ય સંસ્કૃતિના આપણે સંતાનો તેના કર્મો, વચનો ને વિચારોમાં માનનારા આપણે સૌ. આ સંસ્કૃતિ એટલે વેદ-વેદાંતોની સંસ્કૃતિ, રામ ને કૃષ્ણની સંસ્કૃતિ. પ્રાચીન ભારત અને અર્વાચીન ભારત વચ્ચેનો ભેદ આપણે સૌ કોઈ સારી રીતે જાણીએ છીયે. પરંતુ ભારત અને તેની ભારતીયતા સાવ મરી નથી પરવારી, એ દ્વારિકાધીશ નું ભારત હજીયે આપણા સૌ મા ક્યાંક ને કયાંક જીવીત છે. મારુ જીવન ઈશ્વર ચલાવે છે તે વિચારધારામાં માનનારા આપણે સૌ છીયે. પૃથ્વીના આદિ થી લઈને જે પણ ઘટનાઓ, ફેરફારો થયા છે અને આવનાર સમયમાં થવાના છે તે બધું જ ઈશ્વર ઈચ્છા ને આધીન છે.            ઈશ્વરે આપણને બનાવ્યા, પશુ પંખીઓને જીવ આપ્યો, વૃક્ષોને પણ ચેતના આપી. અને આપણને ગીતા દ્વારા કહ્યું પણ ખરું ममैवांशो जीवलोके। દરેક જીવમાં મારો અંશ છે, હું તમારી પૃથ્વીના કણ કણ માં વ્યાપીત છું. આપણને ખબર છે કે તેમની ઈચ્છા વગર પાંદડુંય હલતું નથી તો પછી સવાલ થાય કે આપણે દુઃખી કેમ થઈએ છીએ, પહેલા પ્રભ...
Read more

સ્ત્રી વગરનું ઘર... !

-
મિત્રો તમે સ્ત્રી વગરનાં ઘરની ક્યારેય કલ્પના પણ કરી છે. ઘરને હમેશા ધબકતું રાખવાની કમાન  સ્ત્રીના હાથમાં છે. સ્ત્રીની વ્યાખ્યા તો આપણે કઈ રીતે આપી શકીએ. સાચે જ સ્ત્રી વગરનું જીવન સાવ અધુરું ગણાય છે, તો વિચારો સ્ત્રી વગરનાં ઘરની શું હાલત હશે ?                માણસનાં જીવનનું અવિભાજ્ય અંગ સ્ત્રી છે. કહેવાય છે ને કે શિવ છે ત્યાં શક્તિ છે, રામ છે ત્યાં સિતા છે, કુર્ષ્ણ છે ત્યાં રાધા છે. આમ પુરુષ ડગલે ને પગલે  સ્ત્રીનો સાથ ઝખંતો જ હોય છે. પુરુષના જીવનમાં એવી કઈ વાત છે જે સ્ત્રી સાથે જોડાયેલી ન હોય. જન્મ થયો સ્ત્રી થકી, સંસ્કારો મળ્યા એ પણ સ્ત્રી થકી, ભણતર શિખ્યો સ્ત્રી થકી, નાનપણથી સાથ મળ્યો એ પણ સ્ત્રીનો, મુશ્કેલીઓ સામે લડતા શિખવ્યું એ પણ એક સ્ત્રીએ.                    જીવનરૂપી વરદાન મળ્યું જ્યારે જન્મ આપ્યો એક સ્ત્રીએ જેને આપણે "માં" કહીએ છીએ. આપણને આંગળી પકડીને ચાલતા શીખવ્યું,  સંસ્કારોનું સિંચન કર્યું એ પણ એક સ્ત્રી જેને આપણે "દાદિમા કે બા" કહીએ છીએ. હમેશા આપણી રક્ષા માટે પ્રાર્થનાઓ ...
Read more

"પપ્પા જ મારા સુપરહિરો"

-
"પપ્પા" પપ્પા શબ્દ જ જાણે આધાંરસ્તભ લાગે. એક એવું વ્યક્તિત્વ કે જેને પડી નથી તહેવારોની, જેને પડી નથી પિત્ઝા, બર્ગર ખાવાની, જેને ટેવ નથી સારૂં સારૂં જમવાની, જેને ટેવ નથી થોડી થોડી વારે photos ક્લિક કરવાની, તેમને ટેવ નથી બીજાઓ પોતાના વિશે શું કહે છે તેને સાંભળીને તેનો જવાબ આપવાની. તેમને ખબર છે તેમની જવાબદારીઓ, આપણાં આખાય ઘરને ધબકતું રાખવાનુ કામ કરે છે તે પપ્પા. કદાચ પોતાના ઉપર ગમે તેવી અને ગમે તેટલી મુશ્કેલીઓ આવી પડે, તેને હસતાં મોઢે સહન કરવાની તાકાત ખાલી એમનામાં જ છે, ગમે તેવી પરિસ્થિતિ સામે ટકી રહેવાનો ગજબનો જાદુ છે એમનામાં, મોંઘવારી સામે ટકી રહેવાની આવડત છે એમનામાં. તેમાં પણ આખાય દિવસનો થાક ન તડકો ન વરસાદ ન છાયો જોયાં વીના 15×7 ઉભાં પગે કામ કરવું અને એ પણ પોતાના સ્વાર્થ માટે તો નહીં જ,  only આપણે શાહીઠાઠથી રહી શકીએ એ માટે ! ખિસ્સામાં પોતાના માટે સારા કપડાં લેવાના પૈસા કદાચ ના હોય, પણ આપણને તે ક્યારેય ન નઇ પાડે. કદાચ તે ફાટેલા કપડાં પહેરીને ચલાવી લેશે, પણ આપણને તે ક્યારેય ફાટેલા કપડાં નઇ પહેરવા દે. સમસ્યાઓ એટલી હદે વધી જતી હોય ત્યારે કોઇક ખુણામાં એકલા બેસીને રડી લેશે, પણ ...
Read more