મમ્મીના પ્રેમનું પ્રતિક- 'થેપલા'

-
' અરે,  તમને ખબર છે.. મમ્મી એ મારા થેપલાના ડબ્બામાં આખાય જહાનનુ સુખ ભરી આપ્યુ છે.'

થેપલા એટલે ખાલી લોટ અને મેથીનુ મિશ્રણ નહી હો.., મારા માટે તો થેપલા એટલે મમ્મીનો ભારોભાર પ્રેમ અને મારી ચિંતા. એવું નઈ કે મારા એકલા માટે, મારી જેવા જ બીજા ઘણાઓ માટે થેપલા નો અર્થ આવો જ કઇંક હશે.

પર્સનલી મારી જ વાત કરું તો ભલે એ સુરત થી અમદાવાદ જવાનું હોય કે પછી ક્યાંક બહારગામ જવાનું હોય, પણ મારી સાથે એ મમ્મીના થેપલા ની કંપની તો હોય જ. પેલું મુવી છે ને,   love Nii Bhvaai એમા થેપલાનો ખુબ જ સરસ meaning કહ્યો છે, થેપલા એ તો ગુજરાતી મમ્મીઓ ના National Food ની જગ્યા લઈ લીધી છે. મારી પણ દરેક Journey માં એ થેપલા તો મારી સાથે જ હોય છે. અરે આ થેપલા મમ્મી સામે જ બેસીને જમાડતી હોય એમ ફીલ કરાવે છે. ધણી વાર એમ થાય કે કોઈ લાંબી સફર હોય અને સાથે મમ્મીના થેપલા... પછી શેની જરૂર આપણને....!

જે દિવસે મારે અમદાવાદ જવાનું છે એમ વાત મળે એટલે મારા બેગમાં થેપલાનું એ પેકિંગ રેડી જ હોય. સાચે જે મજા થેપલાની છે તેની આગળ તો બહારનું એ Fastfood સાવ જ ફિક્કું લાગે.

"મમ્મીની પણ દરેક વાતો અનોખી હોય છે હો. પાસે બેસીને થેપલા તો પેક કરતી જાય અને સાથે સાથે બધાં સાથે ભેગા મળીને ખાવાનો સંદેશ આપતી જાય, સાથે સાથે એમ પણ કહે ટાઇમસર ખાઈ લેજે જેથી તે બગડી ન જાય, આમ જાણતાં અજાણતાં જ મમ્મી ઘણુંબધુ શિખવાડતી જાય." અને હા, આ હોસ્ટેલ લાઈફ ના અને થેપલા સાથેના પાછળના બે વર્ષનાં અનુભવ પરથી એટલું તો કહી જ શકું કે, એ થેપલા આખો દિવસ ભલેને પડ્યા રહે પણ એ બગડતાં નથી, ન તો તેના પર કોઈ ફુગ ચડે,  ન તો તેના સ્વાદ માં કોઈ ફેર પડે, અરે તે બગડે પણ ક્યાંથી મારી મમ્મીનો એ પ્રેમ એને બગડવા જ ન દે.

અને હા, let me clear this, હું કોઈ ખુબ મોટો થેપલાલવર પણ નથી, પરતું પાછલા બે વર્ષો માં થેપલા મારી લાઈફમાં મહત્વનું સ્થાન ધરાવે છે. હવે તો એ ટ્રીપમાં મજા જ શું જે ટ્રીપમાં થેપલા જ ન હોય...? કોઇક એ સાચું જ કહ્યું છે....
  "ભગવાનન દરેક માણસો સુધી પહોચી શકતો નથી માટે જ તેણે માં નું સર્જન કર્યું છે"......
અને હું એમ માનું છું કે
 "મમ્મી પોતાના બાળકો સાથે બધે આવી શકતી નથીં, માટે જ તેણે થેપલા નું સર્જન કર્યું છે😅"

એ પણ સાચું છે કે થેપલા દરેક ગુજરાતી ફેમિલીથી Belong કરતાં એ સ્ટુડન્ટ્સ, હોસ્ટેલરસ્ ના બેગમાં ભરી આપવામાં આવ્યા હોય જ છે. અરે થેપલા ખાધાં પછીનો એ હાશ..! નો ઓડકાર આપણને મમ્મી અને એ થેપલાની value સમજાવી જાય.

મારા માટે થેપલા મમ્મીની નિયમિતતા નું પ્રતિક છે.(symbol  of regularity) because બીજું કઈ ભલે સાથે ન હોય પણ મારી Journeyમાં થેપલા તો સાથે હોય જ. સાથે સાથે થેપલા મમ્મીના પ્રેમનું પ્રતીક તો ખરા જ.
થેપલામાં નાખવામાં આવતી મેથી ભલે કડવી હોય પરંતુ મમ્મીનો પ્રેમ એ થેપલાને એ પ્રકારે બનાવી દે છે  જે આપણને ક્યારેય કડવાં ન લાગે.

આ હતી મારી થેપલા વિશેની સ્ટોરી, શું તમારી પાસે પણ આવી જ કોઈક સ્ટોરી છે? આવું કોઈ Food છે જે તમને તમારી જ જીંદગી સાથે જોડતુ હોય..??

                        -akkido🖎

Comments

Post a Comment

Popular posts from this blog

'ઈશ્વરની ઓળખાણ'

-
ધર્મ, અર્થ, કામ અને મોક્ષ ભારતીય સંસ્કૃતિનીના આ ચાર અગત્યનાં અંગો. ભારતીય સંસ્કૃતિ એટલે હજારો વર્ષ જૂની આ સંસ્કૃતિ, ને તેની ભવ્યતા પણ ઉડીને આંખે વળગે તેવી. આવી ભવ્ય સંસ્કૃતિના આપણે સંતાનો તેના કર્મો, વચનો ને વિચારોમાં માનનારા આપણે સૌ. આ સંસ્કૃતિ એટલે વેદ-વેદાંતોની સંસ્કૃતિ, રામ ને કૃષ્ણની સંસ્કૃતિ. પ્રાચીન ભારત અને અર્વાચીન ભારત વચ્ચેનો ભેદ આપણે સૌ કોઈ સારી રીતે જાણીએ છીયે. પરંતુ ભારત અને તેની ભારતીયતા સાવ મરી નથી પરવારી, એ દ્વારિકાધીશ નું ભારત હજીયે આપણા સૌ મા ક્યાંક ને કયાંક જીવીત છે. મારુ જીવન ઈશ્વર ચલાવે છે તે વિચારધારામાં માનનારા આપણે સૌ છીયે. પૃથ્વીના આદિ થી લઈને જે પણ ઘટનાઓ, ફેરફારો થયા છે અને આવનાર સમયમાં થવાના છે તે બધું જ ઈશ્વર ઈચ્છા ને આધીન છે.            ઈશ્વરે આપણને બનાવ્યા, પશુ પંખીઓને જીવ આપ્યો, વૃક્ષોને પણ ચેતના આપી. અને આપણને ગીતા દ્વારા કહ્યું પણ ખરું ममैवांशो जीवलोके। દરેક જીવમાં મારો અંશ છે, હું તમારી પૃથ્વીના કણ કણ માં વ્યાપીત છું. આપણને ખબર છે કે તેમની ઈચ્છા વગર પાંદડુંય હલતું નથી તો પછી સવાલ થાય કે આપણે દુઃખી કેમ થઈએ છીએ, પહેલા પ્રભ...
Read more

સ્ત્રી વગરનું ઘર... !

-
મિત્રો તમે સ્ત્રી વગરનાં ઘરની ક્યારેય કલ્પના પણ કરી છે. ઘરને હમેશા ધબકતું રાખવાની કમાન  સ્ત્રીના હાથમાં છે. સ્ત્રીની વ્યાખ્યા તો આપણે કઈ રીતે આપી શકીએ. સાચે જ સ્ત્રી વગરનું જીવન સાવ અધુરું ગણાય છે, તો વિચારો સ્ત્રી વગરનાં ઘરની શું હાલત હશે ?                માણસનાં જીવનનું અવિભાજ્ય અંગ સ્ત્રી છે. કહેવાય છે ને કે શિવ છે ત્યાં શક્તિ છે, રામ છે ત્યાં સિતા છે, કુર્ષ્ણ છે ત્યાં રાધા છે. આમ પુરુષ ડગલે ને પગલે  સ્ત્રીનો સાથ ઝખંતો જ હોય છે. પુરુષના જીવનમાં એવી કઈ વાત છે જે સ્ત્રી સાથે જોડાયેલી ન હોય. જન્મ થયો સ્ત્રી થકી, સંસ્કારો મળ્યા એ પણ સ્ત્રી થકી, ભણતર શિખ્યો સ્ત્રી થકી, નાનપણથી સાથ મળ્યો એ પણ સ્ત્રીનો, મુશ્કેલીઓ સામે લડતા શિખવ્યું એ પણ એક સ્ત્રીએ.                    જીવનરૂપી વરદાન મળ્યું જ્યારે જન્મ આપ્યો એક સ્ત્રીએ જેને આપણે "માં" કહીએ છીએ. આપણને આંગળી પકડીને ચાલતા શીખવ્યું,  સંસ્કારોનું સિંચન કર્યું એ પણ એક સ્ત્રી જેને આપણે "દાદિમા કે બા" કહીએ છીએ. હમેશા આપણી રક્ષા માટે પ્રાર્થનાઓ ...
Read more

"પપ્પા જ મારા સુપરહિરો"

-
"પપ્પા" પપ્પા શબ્દ જ જાણે આધાંરસ્તભ લાગે. એક એવું વ્યક્તિત્વ કે જેને પડી નથી તહેવારોની, જેને પડી નથી પિત્ઝા, બર્ગર ખાવાની, જેને ટેવ નથી સારૂં સારૂં જમવાની, જેને ટેવ નથી થોડી થોડી વારે photos ક્લિક કરવાની, તેમને ટેવ નથી બીજાઓ પોતાના વિશે શું કહે છે તેને સાંભળીને તેનો જવાબ આપવાની. તેમને ખબર છે તેમની જવાબદારીઓ, આપણાં આખાય ઘરને ધબકતું રાખવાનુ કામ કરે છે તે પપ્પા. કદાચ પોતાના ઉપર ગમે તેવી અને ગમે તેટલી મુશ્કેલીઓ આવી પડે, તેને હસતાં મોઢે સહન કરવાની તાકાત ખાલી એમનામાં જ છે, ગમે તેવી પરિસ્થિતિ સામે ટકી રહેવાનો ગજબનો જાદુ છે એમનામાં, મોંઘવારી સામે ટકી રહેવાની આવડત છે એમનામાં. તેમાં પણ આખાય દિવસનો થાક ન તડકો ન વરસાદ ન છાયો જોયાં વીના 15×7 ઉભાં પગે કામ કરવું અને એ પણ પોતાના સ્વાર્થ માટે તો નહીં જ,  only આપણે શાહીઠાઠથી રહી શકીએ એ માટે ! ખિસ્સામાં પોતાના માટે સારા કપડાં લેવાના પૈસા કદાચ ના હોય, પણ આપણને તે ક્યારેય ન નઇ પાડે. કદાચ તે ફાટેલા કપડાં પહેરીને ચલાવી લેશે, પણ આપણને તે ક્યારેય ફાટેલા કપડાં નઇ પહેરવા દે. સમસ્યાઓ એટલી હદે વધી જતી હોય ત્યારે કોઇક ખુણામાં એકલા બેસીને રડી લેશે, પણ ...
Read more