બહેન..

-
'સાઈડમાં બેસી જા, નઈ તો એક લાફો પડશે'

'ચલ ચુપ બેસ'

'તારે મારી સામે બોલવાનું નહી'

'મમ્મી સમજાવી દે આને, મારી સાથે મગજમારી ન કરે'

        બસ આવાં જ વાક્યોના વોરમાં રમતા અમારા સંબધો, દર એકાદ બે દિવસમાં થતાં વિશ્વયુદ્ધો, ન્યાયાલયમાં એટલી દલીલ તો વકીલો પણ નઈ કરતાં હોય તેવી અનેક દલીલો અને સામસામા આવી ગયેલા અમે વગર ડીગ્રીના વકીલો. સવારે ઉઠતાંવેત જ એ ટાંગખીચાઈ નો દોર. ક્યારેક મારામારી પર આવી ગયેલું પબ્લિક. આવી તો અનેક પળો, અનેક ઝઘડાઓ, ક્યારેક એવા નાજુક પ્રસંગો નું સાક્ષી બનેલું અમારૂં બાળપણ. તમે સમજી જ ગયા હશો કોના સંબધોની વાત કરવામાં આવી છે, 'એક હઝારો મે મેરી બેહના હૈ' કરતાં પણ 'સાલી ચાપલી' મને તો વધારે પ્રિય છે.
           ભાઈ-બહેનનો સંબધ પણ મને એટલો જ પ્રિય છે, તે ધણો અદ્ભૂત હોય છે નહીં; કદાચ સારા મિત્રો મળશે તેનો મને ખ્યાલ નથીં, પણ એક સારા મિત્ર બનવાની કે બનાવવાની શરૂઆત તો આપણા ઘરથી જ થાય છે તે અક્ષરસહ: ભાઈઓ તથા બહેનો થી જ થાય છે. જ્યારે હું બેઠોને આ સંબધોનો સરવાળો કરવા ત્યારે ઘણાંની બાદબાકી કરવી પડી પણ તે મારી બહેન માટેનો પ્રેમ જ હતો જેમાં ઉતરોતર વધારો થતો રહ્યો. ભલે આખોય દિવસ બહેન સાથે ઝઘડો થયા કરે પણ જો એક પણ દિવસ જો બહેન ઘરે ન હોય ને તો ઘર ખાલી સ્મશાન જેવું જ લાગે.
           કદાચ દુનિયા માટે આપણે ભલે ગમે તેટલા કદરૂપા હોઈએ, કોઈક વાર દુનિયા આપણને સાંભળવા તૈયાર ન હોય પરતું એ બહેન જ છે જેમના પહેલાં હિરો તેમના ભાઈ અને પપ્પા હોય છે, એ બહેન જ તો છે જ્યા આપણે વિના સંકોચે મનની વેદનાઓ ઠાલવી શકીએ છીએ. જ્યારે હજારો આપણામા ખામી જણાવવા ઊભાં થઈ જાય પણ હજારો ખામીઓ માં પણ પોતાના ભાઈની સારી બાબત શોધીને આખીયે દુનિયાને બતાવે તે બહેન.
'દિવસમાં ગમે ત્યારે કોફી પીવાનું મન થયું હોય અથવા તો માથામાં તેલ માલીશ કરાવવી હોય...બસ આ બધી જ બાબતો માટે માત્ર એક જ નામ યાદ આવે તે છે 'બહેન', ગર્લફ્રેન્ડ સાથે બ્રેકઅપ થયું હોય કે પપ્પાની ડાટ પડી હોય  આ બંને સમયે પાસે બેસી આપણને સમજાવે તે 'બહેન'.
ધરની પરિસ્થિતિને અનુરૂપ ચલાવી લે એ 'બહેન'.
પોતે થોડું ઓછું ખાઈ ને ભાઈનો ભાગ વધારે રાખે તે 'બહેન'.
         બહેન જો મોટી હોય તો આખાય ઘરની જવાબદારી પોતાના શિરે લેતા ખચકાશે નહીં, તે પપ્પાનો સહારો બનવા મથશે. અને જો બહેન નાની હશે ને તો ઘરની દરેક નાનામાં નાની બાબતોનું પણ તે ધ્યાન રાખશે.
આમ, કોઈ બહેનના ભાઈ હોવું તેનાંથી મોટું સુખ પણ આપણને ક્યાંય ન મળે.

akkido🖎

Comments

Post a Comment

Popular posts from this blog

'ઈશ્વરની ઓળખાણ'

-
ધર્મ, અર્થ, કામ અને મોક્ષ ભારતીય સંસ્કૃતિનીના આ ચાર અગત્યનાં અંગો. ભારતીય સંસ્કૃતિ એટલે હજારો વર્ષ જૂની આ સંસ્કૃતિ, ને તેની ભવ્યતા પણ ઉડીને આંખે વળગે તેવી. આવી ભવ્ય સંસ્કૃતિના આપણે સંતાનો તેના કર્મો, વચનો ને વિચારોમાં માનનારા આપણે સૌ. આ સંસ્કૃતિ એટલે વેદ-વેદાંતોની સંસ્કૃતિ, રામ ને કૃષ્ણની સંસ્કૃતિ. પ્રાચીન ભારત અને અર્વાચીન ભારત વચ્ચેનો ભેદ આપણે સૌ કોઈ સારી રીતે જાણીએ છીયે. પરંતુ ભારત અને તેની ભારતીયતા સાવ મરી નથી પરવારી, એ દ્વારિકાધીશ નું ભારત હજીયે આપણા સૌ મા ક્યાંક ને કયાંક જીવીત છે. મારુ જીવન ઈશ્વર ચલાવે છે તે વિચારધારામાં માનનારા આપણે સૌ છીયે. પૃથ્વીના આદિ થી લઈને જે પણ ઘટનાઓ, ફેરફારો થયા છે અને આવનાર સમયમાં થવાના છે તે બધું જ ઈશ્વર ઈચ્છા ને આધીન છે.            ઈશ્વરે આપણને બનાવ્યા, પશુ પંખીઓને જીવ આપ્યો, વૃક્ષોને પણ ચેતના આપી. અને આપણને ગીતા દ્વારા કહ્યું પણ ખરું ममैवांशो जीवलोके। દરેક જીવમાં મારો અંશ છે, હું તમારી પૃથ્વીના કણ કણ માં વ્યાપીત છું. આપણને ખબર છે કે તેમની ઈચ્છા વગર પાંદડુંય હલતું નથી તો પછી સવાલ થાય કે આપણે દુઃખી કેમ થઈએ છીએ, પહેલા પ્રભ...
Read more

સ્ત્રી વગરનું ઘર... !

-
મિત્રો તમે સ્ત્રી વગરનાં ઘરની ક્યારેય કલ્પના પણ કરી છે. ઘરને હમેશા ધબકતું રાખવાની કમાન  સ્ત્રીના હાથમાં છે. સ્ત્રીની વ્યાખ્યા તો આપણે કઈ રીતે આપી શકીએ. સાચે જ સ્ત્રી વગરનું જીવન સાવ અધુરું ગણાય છે, તો વિચારો સ્ત્રી વગરનાં ઘરની શું હાલત હશે ?                માણસનાં જીવનનું અવિભાજ્ય અંગ સ્ત્રી છે. કહેવાય છે ને કે શિવ છે ત્યાં શક્તિ છે, રામ છે ત્યાં સિતા છે, કુર્ષ્ણ છે ત્યાં રાધા છે. આમ પુરુષ ડગલે ને પગલે  સ્ત્રીનો સાથ ઝખંતો જ હોય છે. પુરુષના જીવનમાં એવી કઈ વાત છે જે સ્ત્રી સાથે જોડાયેલી ન હોય. જન્મ થયો સ્ત્રી થકી, સંસ્કારો મળ્યા એ પણ સ્ત્રી થકી, ભણતર શિખ્યો સ્ત્રી થકી, નાનપણથી સાથ મળ્યો એ પણ સ્ત્રીનો, મુશ્કેલીઓ સામે લડતા શિખવ્યું એ પણ એક સ્ત્રીએ.                    જીવનરૂપી વરદાન મળ્યું જ્યારે જન્મ આપ્યો એક સ્ત્રીએ જેને આપણે "માં" કહીએ છીએ. આપણને આંગળી પકડીને ચાલતા શીખવ્યું,  સંસ્કારોનું સિંચન કર્યું એ પણ એક સ્ત્રી જેને આપણે "દાદિમા કે બા" કહીએ છીએ. હમેશા આપણી રક્ષા માટે પ્રાર્થનાઓ ...
Read more

"પપ્પા જ મારા સુપરહિરો"

-
"પપ્પા" પપ્પા શબ્દ જ જાણે આધાંરસ્તભ લાગે. એક એવું વ્યક્તિત્વ કે જેને પડી નથી તહેવારોની, જેને પડી નથી પિત્ઝા, બર્ગર ખાવાની, જેને ટેવ નથી સારૂં સારૂં જમવાની, જેને ટેવ નથી થોડી થોડી વારે photos ક્લિક કરવાની, તેમને ટેવ નથી બીજાઓ પોતાના વિશે શું કહે છે તેને સાંભળીને તેનો જવાબ આપવાની. તેમને ખબર છે તેમની જવાબદારીઓ, આપણાં આખાય ઘરને ધબકતું રાખવાનુ કામ કરે છે તે પપ્પા. કદાચ પોતાના ઉપર ગમે તેવી અને ગમે તેટલી મુશ્કેલીઓ આવી પડે, તેને હસતાં મોઢે સહન કરવાની તાકાત ખાલી એમનામાં જ છે, ગમે તેવી પરિસ્થિતિ સામે ટકી રહેવાનો ગજબનો જાદુ છે એમનામાં, મોંઘવારી સામે ટકી રહેવાની આવડત છે એમનામાં. તેમાં પણ આખાય દિવસનો થાક ન તડકો ન વરસાદ ન છાયો જોયાં વીના 15×7 ઉભાં પગે કામ કરવું અને એ પણ પોતાના સ્વાર્થ માટે તો નહીં જ,  only આપણે શાહીઠાઠથી રહી શકીએ એ માટે ! ખિસ્સામાં પોતાના માટે સારા કપડાં લેવાના પૈસા કદાચ ના હોય, પણ આપણને તે ક્યારેય ન નઇ પાડે. કદાચ તે ફાટેલા કપડાં પહેરીને ચલાવી લેશે, પણ આપણને તે ક્યારેય ફાટેલા કપડાં નઇ પહેરવા દે. સમસ્યાઓ એટલી હદે વધી જતી હોય ત્યારે કોઇક ખુણામાં એકલા બેસીને રડી લેશે, પણ ...
Read more