21મી સદીમાં ભગવાન.

-
"God, અલ્લાહ ઓર ભગવાન,
ને બનાયા ઈક ઈન્સાન"

"ભગવાન" આખાય જગતમાં ભાગ્યે જ અપવાદરૂપ કોઈક એવું હશે જે આ નામથી પરિચિત ન હોય. ભાગ્યે જ કોઈ એવા નાસ્તિક હશે જે આ શબ્દને ન માનતો હોય, આ શબ્દનો ખરેખર અર્થ ન જાણતો હોય.પરંતુ પરમ પરિચિત પરમાત્મા તો પુથ્વીના કણ કણમાં વ્યાપેલા છે, એમ કહેવામાં આવે છે. તે આ સદીમાં ભલે ન દેખાતા હોય પણ તેઓ ડગલે ને પગલે આપણી સાથે છે તે તો નક્કી જ છે.
                પણ હવે, આપણે જ આપણા જ લોકોએ ભગવાનના પણ ભાગ પાડ્યા છે, ધર્મના નામે આજે ભગવાનને પણ છેતર્યા છે. જગતના પાદંડાથી માંડી ને પર્વતનુ પણ સર્જન કરનાર ભગવાનનો મોલ હવે રૂપિયામાં અંકાતો થયો છે,ભગવાનના પણ ભાવ-તાલ ચાલે છે. તેમણે જ સર્જેલી વસ્તુઓ તેમને જ ધરાવીને માનવી પોતાના સ્વાર્થની માગણીઓ તેમની પાસે કરતો આવ્યો છે. હવે તો એ સર્વશક્તિમાન પરમાત્મા પણ ધર્મના નામે ચાલતા ધતિંગો સામે લાચાર બન્યો હોય એમ લાગે છે.
                આ સદી ના લોકો પણ ગરીબી નહી, પોતાના મજહબ માટે લડે છે, આજે લોકો ભ્રષ્ટ અધિકારીઓને લાઈનમાં ન ઊભા રહેવું પડે અને જલદી કામ પતે તે માટે લાંચ આપે છે, અને જ્યારે તે જ લોકો કોઈ દેવસ્થાનમાં દર્શન માટે લાઈન લગાવે છે ત્યારે આ કળિયુગરૂપી કાળના દર્શન થાય છે. શોધવા જાવ અને ખરેખર પામવું જ હોય તો 'કંકર માં પણ શંકર છે' પરંતુ લોકો ભગવાનને ખાલી દેવસ્થાનોમાં, મસ્જિદોમાં, ચર્ચ માં જ શોધે છે એ પણ VIP એન્ટ્રીથી, VIP પાસથી આ કેટલી હદે યોગ્ય છે...?
                  શ્રધ્ધાના વિષયમાં પ્રશ્નાર્થ ન હોય પરંતુ જ્યારે એ જ શ્રધ્ધા અંધશ્રદ્ધામાં પરિણમેને ત્યારે તેના પરિણામ તેમના માટે સારાં નિવળતા નથી. મંદિરો મા ભગવાનને બહુમુલ્ય અલંકારો, સોના ચાંદીના મુગટ, મોટી મોટી ધજાઓ ચડાવવામાં આવે છે, મસ્જિદો માં ચાદર ચડાવવામાં આવે છે, પરંતુ એ જ આભુષણો ના પૈસાથી તે જ મંદિરની બહાર બેસીને ભિખ માગતા એ અપંગ  ભિખારીને જો એક ટંકનુ જમવાનું મળે, શું એ જોઈને સર્જનહાર રાજી ન થાય. મસ્જિદમા ચડાવવામાં આવતી એ ચાદર કોઈ ફુટપાથ પર સુતેલા કોઈ નાના બાળકના ઉઘાડા શરીર પર પાથરવામાં આવે તો અલ્લાહ શું બંદગી ન સ્વીકારે..?
                        મારા મતે તો હિંદુ ધર્મમાં હજીયે ઘણી રૂઢિચુસ્ત  માન્યતાઓ પ્રવર્તમાન છે.  આપણી જ વાત કરીએ તો શું આપણને ગદંકી માં રાખવામાં આવે તો શું તે ગમશે આપણને..? તો જરા વિચાર તો કરી જુઓ, આપણા જ પુંજા-સામગ્રીના કેટલાક સામાન દ્વારા તેમની પાસે ગદંકી થાય છે.શું તે સહન કરવા યોગ્ય છે..? વાત કરવામાં આવે ભગવાન શિવની, એ ત્રિલોકીનાથ જેમની જટામાં સોથી પવિત્ર એવા ગંગાજી છે, તેમને દુધની શી જરૂર ? શિવધામમા એ પણ શિવરાત્રિના ના દિવસે તો શિવજી પર કેટલાય લિટર દૂધનો અભિષેક કરવામાં આવે છે, તે બધું જ વ્યર્થ  ગટરમાં જાય છે. તેની બીજી બાજુ રોજિંદી મજુરી કરીને પોતાનો રોટલો રડતા એ ભાઈના બાળકોને દુધની જગ્યાએ પાણીથી કામ ચલાવી લેવું પડે છે. શું આ જોઇને ભોળા ભગવાન પ્રસન્ન થશે ખરા...? શિવજીને દુધ ચડાવવુ અનિવાર્ય હોય એવું કોઈ ગ્રંથોમાં લખ્યું છે એ તો મારી જાણ બહાર છે."ભગવાન તો ભાવનો ભુખ્યો છે" સાચે જ આ વાક્યને જીવનમાં ઉતારી પોતાના પ્રેમ, આદરભાવ અને માનવંતારુપી દુધ શિવજીને મનમાં જ ચડાવવામાં આવે તો તે તેમને અતિપ્રિય છે.
                 ઠેર ઠેર ધર્મના નામે લુટવાનો જ વેપાર ચાલે છે, લોકો ભાવથી નહી ભયથી ભગવાનનું પુજન કરે છે, પાખંડીઓ અને ઢોંગીઓ દ્વારા માણસનાં મગજમાં એવું બેસાડવામાં આવ્યું છે ને કે જો તમે આ નહી કરો તો તમારે ત્યાં આ થશે; ઘરે દિકરાનો જન્મ કરાવવો હોય તો આટલા પૈસા ખર્ચીને આ વિધિ કરાવવી પડશે. આમ ભયભિત થયેલા માણસો કઇંક માંગવાના ભાવ સાથે મંદિરમાં જાય છે.
                    શ્રધ્ધાના વિષયમાં પુરાવાની શી જરૂર... જો આપણી ભગવાન પર શ્રદ્ધા હોય તો ભગવાનને પણ આપણું સાંભળવું જ પડે છે, ભગવાન પણ આપણી પાસે દોડતા આવે છે જરુર છે માત્ર ઈશવિશ્વાસની. 21મી સદી એટલે પરીવર્તનની સદી. આજના આ યાંત્રિક યુગ માં માણસ ભૌતિક સુખ તો પામી શકે છે, પરંતુ આધ્યાત્મની બાબતે થાપ ખાઈ બેસે છે, શાંતિ અને મોક્ષ વચ્ચે જુજતો રહે છે. ચાર ધામની યાત્રા કરે છે, મક્કા મદિના હજ કરવા જાય છે, પરંતુ તે માત્ર શોખ ખાતર ? કે પછી દેખાદેખીને લીધે ? શું સાચે જ ભગવાન મેળવવાની તાલાવેલી છે?
                આપણા ભગવાન ક્યારે રાજી થાય??? સર્વધર્મસમભાવ ની ભાવના લોકોમાં આવે, લોકો પૈસા કરતાં માનવતાનું મુલ્ય સમજે, ધર્મ ના નામે લડવા કરતાં લોકો ગરીબી, લાચારી, અસત્ય સામે લડે ત્યારે એ ભગવાનને પણ ફરી ફરી આ ધરતી પર જન્મ લેવાનું મન થાય.
                          -akkido🖎

Comments

  1. Unknown28 June 2018 at 23:54

    Good bro .....and very nice

    ReplyDelete
  2. Laksh Ahir30 June 2018 at 00:17

    ખૂબ જ સુંદર રીતે આલેખન કર્યું છે 21 માં સદીના માનવમનમાં રહેલી ભગવાન પ્રત્યેની નિષ્ઠાનું.
    અલબત્ત, નિષ્ઠા કહેવું પણ યોગ્ય નહી લાગે.!!
    આ સદીને જોઈને તો આપે લખેલા લેખની શરૂઆતના બે લીટીના પંક્તિસ્વરૂપ બોલિવૂડ ગીતના શબ્દોને ઊલટાવવાનું મન થાય છે,

    "human, ઇન્સાન ઔર માનવ,
    ને બનાયા ઈક ભગવાન"

    હા, આજના માનવીએ એવા એક ભગવાનનું અસ્તિત્વ ઊભું કર્યું છે કે જે ભક્તો પાસેથી પૈસાની માંગણી કરે..!!
    જે કહે કે તમે આવી માન્યતા રાખશો, તેમ કરશો તો જ હું ખુશ થઈશ.!!

    સૌપ્રથમ તો આવા પાઘંડી ભગવાન (જે ખૂદને ભગવાન માને છે) ને ડામવાની જરૂર છે. 🙏🙏💐

    ReplyDelete

Post a Comment

Popular posts from this blog

'ઈશ્વરની ઓળખાણ'

-
ધર્મ, અર્થ, કામ અને મોક્ષ ભારતીય સંસ્કૃતિનીના આ ચાર અગત્યનાં અંગો. ભારતીય સંસ્કૃતિ એટલે હજારો વર્ષ જૂની આ સંસ્કૃતિ, ને તેની ભવ્યતા પણ ઉડીને આંખે વળગે તેવી. આવી ભવ્ય સંસ્કૃતિના આપણે સંતાનો તેના કર્મો, વચનો ને વિચારોમાં માનનારા આપણે સૌ. આ સંસ્કૃતિ એટલે વેદ-વેદાંતોની સંસ્કૃતિ, રામ ને કૃષ્ણની સંસ્કૃતિ. પ્રાચીન ભારત અને અર્વાચીન ભારત વચ્ચેનો ભેદ આપણે સૌ કોઈ સારી રીતે જાણીએ છીયે. પરંતુ ભારત અને તેની ભારતીયતા સાવ મરી નથી પરવારી, એ દ્વારિકાધીશ નું ભારત હજીયે આપણા સૌ મા ક્યાંક ને કયાંક જીવીત છે. મારુ જીવન ઈશ્વર ચલાવે છે તે વિચારધારામાં માનનારા આપણે સૌ છીયે. પૃથ્વીના આદિ થી લઈને જે પણ ઘટનાઓ, ફેરફારો થયા છે અને આવનાર સમયમાં થવાના છે તે બધું જ ઈશ્વર ઈચ્છા ને આધીન છે.            ઈશ્વરે આપણને બનાવ્યા, પશુ પંખીઓને જીવ આપ્યો, વૃક્ષોને પણ ચેતના આપી. અને આપણને ગીતા દ્વારા કહ્યું પણ ખરું ममैवांशो जीवलोके। દરેક જીવમાં મારો અંશ છે, હું તમારી પૃથ્વીના કણ કણ માં વ્યાપીત છું. આપણને ખબર છે કે તેમની ઈચ્છા વગર પાંદડુંય હલતું નથી તો પછી સવાલ થાય કે આપણે દુઃખી કેમ થઈએ છીએ, પહેલા પ્રભ...
Read more

સ્ત્રી વગરનું ઘર... !

-
મિત્રો તમે સ્ત્રી વગરનાં ઘરની ક્યારેય કલ્પના પણ કરી છે. ઘરને હમેશા ધબકતું રાખવાની કમાન  સ્ત્રીના હાથમાં છે. સ્ત્રીની વ્યાખ્યા તો આપણે કઈ રીતે આપી શકીએ. સાચે જ સ્ત્રી વગરનું જીવન સાવ અધુરું ગણાય છે, તો વિચારો સ્ત્રી વગરનાં ઘરની શું હાલત હશે ?                માણસનાં જીવનનું અવિભાજ્ય અંગ સ્ત્રી છે. કહેવાય છે ને કે શિવ છે ત્યાં શક્તિ છે, રામ છે ત્યાં સિતા છે, કુર્ષ્ણ છે ત્યાં રાધા છે. આમ પુરુષ ડગલે ને પગલે  સ્ત્રીનો સાથ ઝખંતો જ હોય છે. પુરુષના જીવનમાં એવી કઈ વાત છે જે સ્ત્રી સાથે જોડાયેલી ન હોય. જન્મ થયો સ્ત્રી થકી, સંસ્કારો મળ્યા એ પણ સ્ત્રી થકી, ભણતર શિખ્યો સ્ત્રી થકી, નાનપણથી સાથ મળ્યો એ પણ સ્ત્રીનો, મુશ્કેલીઓ સામે લડતા શિખવ્યું એ પણ એક સ્ત્રીએ.                    જીવનરૂપી વરદાન મળ્યું જ્યારે જન્મ આપ્યો એક સ્ત્રીએ જેને આપણે "માં" કહીએ છીએ. આપણને આંગળી પકડીને ચાલતા શીખવ્યું,  સંસ્કારોનું સિંચન કર્યું એ પણ એક સ્ત્રી જેને આપણે "દાદિમા કે બા" કહીએ છીએ. હમેશા આપણી રક્ષા માટે પ્રાર્થનાઓ ...
Read more

"પપ્પા જ મારા સુપરહિરો"

-
"પપ્પા" પપ્પા શબ્દ જ જાણે આધાંરસ્તભ લાગે. એક એવું વ્યક્તિત્વ કે જેને પડી નથી તહેવારોની, જેને પડી નથી પિત્ઝા, બર્ગર ખાવાની, જેને ટેવ નથી સારૂં સારૂં જમવાની, જેને ટેવ નથી થોડી થોડી વારે photos ક્લિક કરવાની, તેમને ટેવ નથી બીજાઓ પોતાના વિશે શું કહે છે તેને સાંભળીને તેનો જવાબ આપવાની. તેમને ખબર છે તેમની જવાબદારીઓ, આપણાં આખાય ઘરને ધબકતું રાખવાનુ કામ કરે છે તે પપ્પા. કદાચ પોતાના ઉપર ગમે તેવી અને ગમે તેટલી મુશ્કેલીઓ આવી પડે, તેને હસતાં મોઢે સહન કરવાની તાકાત ખાલી એમનામાં જ છે, ગમે તેવી પરિસ્થિતિ સામે ટકી રહેવાનો ગજબનો જાદુ છે એમનામાં, મોંઘવારી સામે ટકી રહેવાની આવડત છે એમનામાં. તેમાં પણ આખાય દિવસનો થાક ન તડકો ન વરસાદ ન છાયો જોયાં વીના 15×7 ઉભાં પગે કામ કરવું અને એ પણ પોતાના સ્વાર્થ માટે તો નહીં જ,  only આપણે શાહીઠાઠથી રહી શકીએ એ માટે ! ખિસ્સામાં પોતાના માટે સારા કપડાં લેવાના પૈસા કદાચ ના હોય, પણ આપણને તે ક્યારેય ન નઇ પાડે. કદાચ તે ફાટેલા કપડાં પહેરીને ચલાવી લેશે, પણ આપણને તે ક્યારેય ફાટેલા કપડાં નઇ પહેરવા દે. સમસ્યાઓ એટલી હદે વધી જતી હોય ત્યારે કોઇક ખુણામાં એકલા બેસીને રડી લેશે, પણ ...
Read more