માણસ અને મોબાઈલ

-


હવે તો લાગે છે કે માણસ મમ્મી કરતાં વધારે તો મોબાઈલનો થઈ ગયો છે, માણસ પત્ની કરતાં વધારે સમય મોબાઈલ સાથે વિતાવે છે, માણસ પપ્પા કરતાં વધારે વાતો તો મોબાઈલ સાથે કરે છે, એટલું જ નહીં પોતાના સંતાનો કરતાં વધારે તો મોબાઈલને જ સાચવે છે.
     મારી બેસ્ટી કે મારા બી.એફ ના ઘરે શું ચાલે છે; શું થયું છે તે મને ચેટ દ્વારા બઘી જ ખબર પડી જાય છે પણ મારા પપ્પા શું કામ ચુપ બેઠા છે શું તેની હું ખબર રાખું છું? ચેટ કરતાં કરતાં મારી ફ્રેન્ડે એના ઘરે બનેલી ડીશ નો ફોટો મોકલ્યો તેને ચાખ્યા વીના જ આપણે તે ડીશં ના વખાણ કરતાં થાકતા નથી, પણ તેની કમ્પેરમાં મમ્મી ની પ્રેમથી બનાવેલી ડીશ માં  આપણે ખામી કાઢવાનું ભુલતા નથી.. "માય ડેડ ઇઝ માય સુપરહીરો" ના સ્ટેટસ તો અપલોડ થાય છે પણ શું સુપરહીરો સાથે બેસવાનો ટાઇમ છે ???
સવારે જાગવથી લઈને રાત્રે સુવા સુધી હાથમાં મોબાઈલ છે, હવે તો કપડાં કરતાં વધારે મહત્વનો મોબાઈલ છે. હાથમાં બુક્સ ની જગ્યાએ મોબાઈલ છે,
લાગે છે કે માણસે મોબાઈલ નહીં મા મોબાઈલ એ માણસને બનાવ્યા છે. 
હા એ પણ સાચું છે કે મોબાઈલએ માણસની સુખાકારી વધારી છે, પણ એ પણ માનવું પડશે કે મોબાઈલએ દુર ના ને થોડા નજીક અને ઘરનાં ને સાવ દુર કર્યાં છે. મોબાઈલનો સીધો માપસરનો ઉપયોગ માણસને સુખી બનાવે છે પણ તેનો જ અતિરેક માણસને આળસું પણ બનાવે જ છે..
મેં જે લખ્યું તે તમારા સુધી પહોંચાડવાનું સાધન પણ મોબાઈલ જ છે માટે આપણી સુખાકારી માટે બનાવવામાં આવેલા ગેજેટ્સ ઘણાં ફાયદાકારક તો છે જ પરંતુ ફાયદા હોય ત્યાં નુકસાન પણ ઓછા-વધતાં હોય જ ! માટે તારણ એટલું જ કે હું છું તો મોબાઈલ છે  નહીતર મારા વગર મોબાઈલ શાં કામનો ??


                    -akkido🖎

Comments

Post a Comment

Popular posts from this blog

'ઈશ્વરની ઓળખાણ'

-
ધર્મ, અર્થ, કામ અને મોક્ષ ભારતીય સંસ્કૃતિનીના આ ચાર અગત્યનાં અંગો. ભારતીય સંસ્કૃતિ એટલે હજારો વર્ષ જૂની આ સંસ્કૃતિ, ને તેની ભવ્યતા પણ ઉડીને આંખે વળગે તેવી. આવી ભવ્ય સંસ્કૃતિના આપણે સંતાનો તેના કર્મો, વચનો ને વિચારોમાં માનનારા આપણે સૌ. આ સંસ્કૃતિ એટલે વેદ-વેદાંતોની સંસ્કૃતિ, રામ ને કૃષ્ણની સંસ્કૃતિ. પ્રાચીન ભારત અને અર્વાચીન ભારત વચ્ચેનો ભેદ આપણે સૌ કોઈ સારી રીતે જાણીએ છીયે. પરંતુ ભારત અને તેની ભારતીયતા સાવ મરી નથી પરવારી, એ દ્વારિકાધીશ નું ભારત હજીયે આપણા સૌ મા ક્યાંક ને કયાંક જીવીત છે. મારુ જીવન ઈશ્વર ચલાવે છે તે વિચારધારામાં માનનારા આપણે સૌ છીયે. પૃથ્વીના આદિ થી લઈને જે પણ ઘટનાઓ, ફેરફારો થયા છે અને આવનાર સમયમાં થવાના છે તે બધું જ ઈશ્વર ઈચ્છા ને આધીન છે.            ઈશ્વરે આપણને બનાવ્યા, પશુ પંખીઓને જીવ આપ્યો, વૃક્ષોને પણ ચેતના આપી. અને આપણને ગીતા દ્વારા કહ્યું પણ ખરું ममैवांशो जीवलोके। દરેક જીવમાં મારો અંશ છે, હું તમારી પૃથ્વીના કણ કણ માં વ્યાપીત છું. આપણને ખબર છે કે તેમની ઈચ્છા વગર પાંદડુંય હલતું નથી તો પછી સવાલ થાય કે આપણે દુઃખી કેમ થઈએ છીએ, પહેલા પ્રભ...
Read more

સ્ત્રી વગરનું ઘર... !

-
મિત્રો તમે સ્ત્રી વગરનાં ઘરની ક્યારેય કલ્પના પણ કરી છે. ઘરને હમેશા ધબકતું રાખવાની કમાન  સ્ત્રીના હાથમાં છે. સ્ત્રીની વ્યાખ્યા તો આપણે કઈ રીતે આપી શકીએ. સાચે જ સ્ત્રી વગરનું જીવન સાવ અધુરું ગણાય છે, તો વિચારો સ્ત્રી વગરનાં ઘરની શું હાલત હશે ?                માણસનાં જીવનનું અવિભાજ્ય અંગ સ્ત્રી છે. કહેવાય છે ને કે શિવ છે ત્યાં શક્તિ છે, રામ છે ત્યાં સિતા છે, કુર્ષ્ણ છે ત્યાં રાધા છે. આમ પુરુષ ડગલે ને પગલે  સ્ત્રીનો સાથ ઝખંતો જ હોય છે. પુરુષના જીવનમાં એવી કઈ વાત છે જે સ્ત્રી સાથે જોડાયેલી ન હોય. જન્મ થયો સ્ત્રી થકી, સંસ્કારો મળ્યા એ પણ સ્ત્રી થકી, ભણતર શિખ્યો સ્ત્રી થકી, નાનપણથી સાથ મળ્યો એ પણ સ્ત્રીનો, મુશ્કેલીઓ સામે લડતા શિખવ્યું એ પણ એક સ્ત્રીએ.                    જીવનરૂપી વરદાન મળ્યું જ્યારે જન્મ આપ્યો એક સ્ત્રીએ જેને આપણે "માં" કહીએ છીએ. આપણને આંગળી પકડીને ચાલતા શીખવ્યું,  સંસ્કારોનું સિંચન કર્યું એ પણ એક સ્ત્રી જેને આપણે "દાદિમા કે બા" કહીએ છીએ. હમેશા આપણી રક્ષા માટે પ્રાર્થનાઓ ...
Read more

"પપ્પા જ મારા સુપરહિરો"

-
"પપ્પા" પપ્પા શબ્દ જ જાણે આધાંરસ્તભ લાગે. એક એવું વ્યક્તિત્વ કે જેને પડી નથી તહેવારોની, જેને પડી નથી પિત્ઝા, બર્ગર ખાવાની, જેને ટેવ નથી સારૂં સારૂં જમવાની, જેને ટેવ નથી થોડી થોડી વારે photos ક્લિક કરવાની, તેમને ટેવ નથી બીજાઓ પોતાના વિશે શું કહે છે તેને સાંભળીને તેનો જવાબ આપવાની. તેમને ખબર છે તેમની જવાબદારીઓ, આપણાં આખાય ઘરને ધબકતું રાખવાનુ કામ કરે છે તે પપ્પા. કદાચ પોતાના ઉપર ગમે તેવી અને ગમે તેટલી મુશ્કેલીઓ આવી પડે, તેને હસતાં મોઢે સહન કરવાની તાકાત ખાલી એમનામાં જ છે, ગમે તેવી પરિસ્થિતિ સામે ટકી રહેવાનો ગજબનો જાદુ છે એમનામાં, મોંઘવારી સામે ટકી રહેવાની આવડત છે એમનામાં. તેમાં પણ આખાય દિવસનો થાક ન તડકો ન વરસાદ ન છાયો જોયાં વીના 15×7 ઉભાં પગે કામ કરવું અને એ પણ પોતાના સ્વાર્થ માટે તો નહીં જ,  only આપણે શાહીઠાઠથી રહી શકીએ એ માટે ! ખિસ્સામાં પોતાના માટે સારા કપડાં લેવાના પૈસા કદાચ ના હોય, પણ આપણને તે ક્યારેય ન નઇ પાડે. કદાચ તે ફાટેલા કપડાં પહેરીને ચલાવી લેશે, પણ આપણને તે ક્યારેય ફાટેલા કપડાં નઇ પહેરવા દે. સમસ્યાઓ એટલી હદે વધી જતી હોય ત્યારે કોઇક ખુણામાં એકલા બેસીને રડી લેશે, પણ ...
Read more